Жарандык активист Айбек Теңизбай Бишкектеги №1 тергөө абагына эки айга камалды. Атайын кызмат ал социалдык тармакта белгилүү бир улутка каршы жеке кастыгын билдирген провокациялык билдирүүлөрдү системалуу түрдө жарыялап келгенин кабарлады. Тенизбай айыпка макул эмес.
Активисттин эжеси жана жакындары белгисиз адамдар анын апасынын да уюлдук телефонун алып кетишкенин айтышкан. УКМКнын маалыматында Айбек Теңизбай "социалдык тармактардагы улут аралык мүнөздөгү чагымчыл билдирүүлөрдү жазган автор кармалды" деп айтылды. Өзү бул айыптоону четке кагууда.
Укук коргоо органдары Жогорку Кеңешке шайлоодогу мыйзам бузууларды териштирип жатат. Айрым талапкерлер шайлоодогу мыйзам бузуулар - акча таратуу, шайлоочуларды сатып алуу аракеттери болгонун билдирүүдө. Шайлоодогу мыйзам бузуулар кандай териштирилет, ал жалпы жыйынтыкка таасир тийгизиши мүмкүнбү?
Орусия каржылаган “Евразия” фонду Кыргызстандагы ишмердигин улам кеңейтип, эми жер-жерлерде орус тили жана маданияты борборлорун ачып жатат. Бул борбор 23-ноябрда расмий ачылары кабарланганы менен Бишкекте сентябрдан тарта иштеп баштаган.
6-ноябрда Вашингтондо АКШ президенти Дональд Трамп С5+1 форматындагы саммит өткөрдү. Ага Казакстандын, Кыргызстандын, Тажикстандын, Түркмөнстандын жана Өзбекстандын президенттери катышты. Саммит Борбор Азия өлкөлөрүнүн өнүгүүсү үчүн кандай өбөлгө болуп берет деген талкуу башталды.
Кыргызстан АКШ менен кызматташууда кайсы багыттарга артыкчылык бериши керек? Жергиликтүү эксперттер бийлик АКШ банктарга салган санкцияларды, катаалдашкан виза берүү маселесин кайра кароо сунушун бериши керек деп белгилешет.
5-ноябрга караган түнү Кыргызстандын көпчүлүк аймактарына кар жаап, жолдогу унаа каттамын жайлатып, тыгын пайда болду. Төө-Ашууда жайкы дөңгөлөк менен жүргөн унаалар жолду жаап калганы боюнча тасмалар интернетке тарады.
Журналисттик иликтөөлөрдү жарыялап келген медиа долбоорлордун "экстремисттик" деп табылышы сөз эркинидиги үчүн өтө кооптуу коңгуроо болуп калды.
Кыргыз өкмөтү “Асман” шаарын куруу боюнча кытайлык инвесторлор менен кызматташа баштады. Президенттин алдындагы инвестиция боюнча улуттук агенттик кытайлык China Construction Company менен меморандумга кол койду.
Ысык-Көлдөгү 17 жаштагы кыздын өлүмүнө шектүү жаран дагы жети оор кылмышка тиешеси бар экени тууралуу маалымат тарады. Бул тууралуу ЭлТР телеканалынын укук коргоо органдары менен бирге жасаган иликтөөсүндө баяндалат. Журналисттик иликтөөдө шектүүнүн бети-башы ачык, аты-жөнү толук берилди.
БШК мөөнөтүнөн мурда өтчү парламенттик шайлоо алдында 30 округдун чегин аныктады. Анда айрым райондор биригип, бул бөлүштүрүүгө нааразы болгондор да чыкты. Ошондой эле бул парламенттик аралыктан добуш берүү ыкмасы кирет. БШКнын төрагасы Тынчтык Шайназаров "Азаттыктын" суроолоруна жооп берди.
Президент Садыр Жапаров медициналык кызматкерлерди даярдоо тармагына монополия киргизип, Ахунбаев атындагы мамлекеттик медициналык академияны тандады. Мындай чечим медициналык билим берген окуу жайлардагы окутуунун сапатына жана базасынын төмөн экендигине байланыштуу кабыл алынды.
Башкы прокуратура Маданият, маалымат, спорт жана жаштар саясаты министрлиги мамлекетке 27 миллион сомдон ашык зыян келтирген деп, коррупция боюнча кылмыш ишин козгоду. Министрлик каржылык мыйзам бузууну ырастап, тергөөнүн дыкат жүрүшүнө кызыкдар экенин билдирди.
Президент Жапаров “Кумтөр” кени кеминде дагы 40-50 жыл кызмат кыларын белгиледи. Алытн кен мамлекетке өткөндөн бери эмне өзгөрдү жана ал кыргыз экономикасына дагы канча убакыт тирек болот?
Президент Садыр Жапаров кыргызстандык банктарга санкция салган АКШ жана Британиянын бийлигине нааразылыгын билдирип, мындай чечимде күмөндүү жагдайлар бар экенин белгиледи.
Чолпон-Атадагы Евразия өкмөттөр аралык кеңешинин жыйыны жыйынтыкталды. Уюмга мүчө өлкөлөрдүн өкмөт башчылары өткөн он жылда уюмдун бир катар жетишкендиктерин санашып, мунун менен катар чектөөлөрдүн алигүнчө алынбай келатканы сөз болду.
Чолпон-Атада Орусиянын өкмөт башчысы Мишустин катышкан экономикалык форум өтүүдө. Украинага согуш ачкандан бери эл аралык санкцияга туш болгон Орусия Кыргызстан менен байланышын бекемдөө аракетинде. Ошол эле маалда кыргыз мигранттары Кремлдин катаал саясатынын кесепетин тартып турган маалы.
10 жыл мурда Кыргызстан менен Казакстандын ортосундагы бажы бекеттер алынып, Евразия экономикалык биримдигинин жол-жобосу күчүнө кирген. Эң ири экономикалык бирикмеге мүчө болгондон кийин өлкө экономикасы, өнөр жайы жана Орусияда иштеген мигранттар үчүн ыңгайлуу шарт түзүлөт деген убада болгон эле.
Кыргыз бийлиги интернеттеги нааразылык айтылган аймактардын жетекчилерине чара көрүлөрүн убада кылууда. Бул ишти УКМК төрагасы Камчыбек Ташиев моюнуна алып, жергиликтүүлөр нааразылык айткан аймактарды кыдырып жатат.
Дагы жүктөңүз
